Жамбылдағы жарылыс болған қоймадан тағы да тарсылдаған дыбыс шықты

Жамбыл облысындағы жарылыс болған оқ-дәрі қоймасының орнында тарс еткен дыбыс естілді, деп хабарлайды Azattyq Rýhy.

Қорғаныс министрлігі аталған оқиғаға қатысты ресми түсініктеме берді.

«26 тамыз күні өрт шыққан инженерлік оқ-дәрілер қоймасының аумағында бүгін, 29 тамызда сағат 12.20 шамасында тарс еткен жалын болды. Оқиға орнында зардап шеккендер жоқ, адамдар болмаған», - делінген хабарламада.

Қазіргі уақытта оқиғаның себептері анықталып жатқаны айтылды.

Айта кетсек, бұған дейін ҚР Төтенше жағдайлар министрі Юрий Ильин қоймада жарылмай қалған оқ-дәрілер бар екенін, сондықтан қайта жарылыс болуы мүмкіндінін жоққа шығармайтыны мәлімдеген болатын.