Полицейлер пойызда шу шығарған төрт вахта қызметкерін түсіріп алды

Полицейлер «Атырау-Ақтөбе» пойызынан ішімдік ішіп, шу шығарған төрт вахта қызметкерін түсіріп алды, деп хабарлайды azh.kz.

«Бұл пойыз бастығының актісімен жасалды. Қоғамдық орында жүрген төрт ер адам алкогольдік ішімдік ішіп, басқа жолаушылардың тыныштығын бұзды», - деп хабарлады Көліктегі полиция департаменті бастығының бірінші орынбасары Қалижан Қобландин.

Заң бұзушылар 25, 31, 33 және 49 жастағы мұнай компанияларының бірінде жұмыс жасайтын вахта қызметкерлері болып шықты. Оларға ҚР ӘҚБтК-нің 440-бабы бойынша хаттама толтырылып, 5 АЕК көлемінде айыппұл салынды.