Шымкенттік тұрғынды Instagram арқылы алдап кеткен азамат анықталды

Шымкентте тұрғынды Instagram арқылы алдап кеткен түркістандық анықталды, деп хабарлайды Polisia.kz.

«Қаратау аудандық Полиция басқармасының 102 арнасы арқылы Шымкент қаласының тұрғыны көмек сұрап, арызданған. Ол арызында белгісіз тұлға Instagram әлеуметтік желісінде киім-кешек жеткізетіндігін айтып, сеніміне кіріп, 33 602 теңге ақшасын алаяқтық жолмен иемденгенін көрсеткен», - делінген хабарламада.

Тәртіп сақшыларының жедел-іздестіру іс-шараларын жүргізу барысында Түркістан облысының тұрғыны анықталып, жеткізілді.

Қазіргі уақытта тексеру жұмыстары жүргізіліп жатыр.