Екібастұзда ер адам жөндеу жұмысы кезінде көлікжайдың шатырынан құлап кетті

38 жастағы ер адам жансақтау бөлімінде жатыр

Фото: ашық дереккөзден

Екібастұзда ер адам жөндеу жұмысы кезінде көлікжайдың шатырынан құлап кетті, деп хабарлайды Pavlodarnews.kz.

Бұл туралы облыстық полиция департаменті мәлім етті.

«Белгілі болғандай, 16 тамыз күні сағат 17:45-те көлікжайдың төбесінде жүрген 38 жастағы ер адам жөндеу жұмыстарын жүргізу кезінде жерге құлаған», - деді департаменттен.

Облыстық денсаулық сақтау басқармасының мәлімдеуінше, зардап шегуші Екібастұз қалалық ауруханасының жансақтау бөліміне жатқызылған. Науқастың жағдайы ауыр деп бағалануда.

Мақалада

#Екібастұз #жансақтау бөлімі #оқыс оқиға

Алдыңғы жаңалық

«Арзанға мал азығын сатамын»: СҚО-да 4 алаяқтық фактісі тіркелді