ҰҚК радикалды ағымдардың жақтаушыларын ұстады

Олар еліміздің үш қаласында терроризмді насихаттаған деген күдікке ілінді

Фото: ашық дереккөзден

ҚР Ұлттық қауіпсіздік комитеті ҰҚК радикалды ағымдардың жақтаушыларын ұстады, деп хабарлайды Azattyq Rýhy ведомствоның баспасөз қызметіне сілтеме жасап.

«2021 жылғы 13 тамызда ҰҚК жүргізген сотқа дейінгі тергеп-тексеру аясында терроризмді насихаттау және діни алауыздықты қоздыру күдігімен Атырау, Жаңаөзен және Шымкент қалаларының 4 тұрғыны сот санкциясымен қамауға алынды», - делінген комитет хабарламасында.

Айта кетерлігі, қолға түскен адамдар шетелдік радикалды уағызшылардың ұстанымындағы дәстүрлі емес діни ағымның өкілдері болған.

ҰҚК өзге мәліметтің тергеу мүддесіне сәйкес, жария етілмейтінін мәлімдеді.

Мақалада

#терроризм #ҚР ҰҚК #ҰҚК

Алдыңғы жаңалық

Атырауда балаларын қараусыз қалдырған әйел ата-аналық құқығынан шектелуі мүмкін