Оқиға 19 желтоқсанда Қаратөбе ауданы Аққозы ауылдық округіндегі Бесоба қыстағында болған
Батыс Қазақстан облысында мал бағып жүріп, жоғалып кеткен бақташы табылды, деп хабарлайды Azattyq Rýhy тілшісі.
БҚО ТЖ департаментінің баспасөз қызметі таратқан ақпаратқа қарағанда, оқиға 19 желтоқсан күні Қаратөбе ауданы Аққозы ауылдық округіндегі Бесоба қыстағында болған.
Сағат 14.00-де мал бағуға кеткен 1966 жылғы бақташы сол күйі оралмаған.
«Кешкі сағат 21.20-дан бастап іздеу жұмыстары жүргізілді. №18 өрт сөндіру бөлімі мен аудандық ТЖ бөлімі қызметкерлерінің күшімен (5 адам, 1 техника) сағат 23.45-те бақташы табылып, туысқандарына табысталды. Ол медициналық көмекті қажетсінген жоқ», - делінген хабарламада.
БҚО ТЖ департаменті қыс мезгілінде тұрғындарға сақ болуды ескертеді.