Атырау облысында бір күнде үш адам суға кетіп қайтыс болды

Өңірде шомылу маусымы басталғалы 19 адам суға батып кетті

Атырау облысында бір күнде үш адам суға кетіп қайтыс болды, деп хабарлайды Azattyq Rýhy АқЖайыққа сілтеме жасап.

18 шілдеде кешкісін «Атырау» ДСК аумағындағы жағажайда 15 жастағы жасөспірім суға батып кетті.

Оқиға туралы хабарлама ТЖ басқару пультіне 20 сағат 15 минутта түсті. Сүңгуірлер жасөспірімнің денесін сағат 20.31-де алып шықты. Сол күні тағы екі адам - Геологта 38 жастағы ер адам және Махамбет ауданының Талдыкөл ауылында балық аулайтын торға шырмалған 42 жастағы Өзбекстан азаматы суға батып кетті.

Естеріңізге салсақ, Атырау облысында көктемнен бері 19 адам суға кеткен, оның алтауы балалар.

Мақалада

#Атырау облысы #суға бату #бала суға кетті

Алдыңғы жаңалық

Ақтөбе тұрғыны көлігінің ішіне бензин құйып, өзін-өзі өртемек болды