ШұғылКоронавирус және пневмония: өткен тәулікте 102 адам көз жұмды

Ақмола облысында ер адам анасын ұрып өлтірді

65 жастағы әйел бассүйек-ми жарақаты салдарынан көз жұмған

Фото: ашық дереккөзден

Ақмола облысының тұрғыны 65 жастағы анасын ұрып өлтірді, деп хабарлайды Azattyq Rýhy тілшісі Қазақпаратқа сілтеме жасап. 

Облыстық ПД баспасөз қызметінің мәліметінше, осы жылғы маусымның 29-да Атбасар аудандық ПБ кезекші бөліміне учаскелік полиция инспекторы хабарласып, 40 жастағы жергілікті тұрғынды ұстағанын айтқан. 

«Анықталғандай, оқиға болған күні қаскүнем үйге мас күйінде келген, ал жанжал кезінде ол 65 жастағы анасын бірнеше рет жұдырықпен ұрып қалған. Соққыдан кейін анасы кенеттен көз жұмған. Сот-медициналық сараптаманың қорытындысы бойынша әйел бассүйек-ми жарақаты салдарынан көз жұмған», - деді ведомстводан. 

Қазіргі кезде осы оқиғаға байланысты Қылмыстық кодекстің 106 бабының 3-ші бөлігі «Денсаулыққа қасақана ауыр зиян келтіру» бойынша сотқа дейінгі іс қозғалды. 

Күдіктіге қатысты күзетпен ұстау түріндегі бұлтартпау шарасы таңдалды.