Шымкентте ер адам өзгенің 5 млн теңгелік күрішін иемденіп кеткен

Шымкентте алаяқ тұрғынның бес миллион теңгелік күрішін иемденіп кетті, деп хабарлайды Polisia.kz.

Шымкент қаласы Полиция департаментінің мәліметінше, Еңбекші аудандық полиция басқармасына жергілікті тұрғын арызданған.

«Шағымданушы 17 мамыр күні сағат 13:00 шамасында 380 тонна күрішін белгісіз адамның заңсыз иемденіп, ақшасын төлеместен, белгісіз бағытқа қашып кеткенін жазып көрсеткен. Жәбірленушіге келтірілген жалпы шығын көлемі бес миллион теңгені құрайды», - делінген хабарламада.

Еңбекші АПБ КПБ қызметкерлерінің жедел-іздестіру шараларының нәтижесінде күдікті анықталып, жеткізілді. Тергеп-тексеру амалдары жүргізіліп жатыр.