ШұғылCOVID-19: Қазақстанда вирус жұқтырғандар саны 406 мыңнан асты

Түркістан облысының полицейлері көліктен 700 грамнан астам марихуана тапты

Бұл дерек бойынша сотқа дейінгі тергеу амалдары жүргізілуде

Түркістан облысының полицейлері көліктен 700 грамнан астам марихуана тапты, деп хабарлайды Polisia.kz. 

Полицейлерге Төлеби ауданының тұрғынының бірі есірткі сатумен айналысатыны туралы хабарлама келіп түседі. Осы бойынша жан-жақты іздестіру шаралары жүргізіледі. Нәтижесінде күдіктінің жеке-басы, мекенжайы анықталып ұсталды. Ол Леңгір қаласының бұрын сотты болған тұрғыны болып шықты. Оның үйіне тінту жұмыстарын жүргізу барысында, 1 полиэтилен пакетке салынған хош иісті есірткіге ұқсас зат тәркіленіп алынды. Сараптама тағайындалды. Аталған жайтты полиция қызметкерлері СДТБТ-ға ҚР ҚК-нің 297-бабы (Есірткі құралдарын, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту немесе өткізу) бойынша тіркеді. Күдікті қамауға алынды. Қазіргі уақытта сотқа дейінгі тергеу амалдары жүргізілуде. 

Одан бөлек, Түркістан облысы ПД Есірткі қылмысына қарсы іс-қимыл басқармасының қызметкерлері, Кентау-Түркістан тас жолы бойындағы Оранғай ауылының тұсында күдік туғызған Оpel Astra автокөлігін тоқтатады. Тексеру кезінде автокөлік ішінен ордабасылық екі жолаушыға тиесілі есірткі заты марихуанаға ұқсас бір дана полиэтилен пакетке салынған зат табылады. Зерттеу қорытындысына сәйкес, алынған зат жалпы салмағы 722 грамм «марихуана» екені белгілі болды. Бұл дерек ҚР ҚК-нің 296-бабы (Есірткі, психотроптық заттармен, олардың аналогтарымен өткізу мақсатынсыз заңсыз жұмыс істеу) бойынша тіркелді. Күдіктілердің бас шарасы “қолхатта”.