ШұғылҚазақстанда COVID-19 вирусын жұқтырғандар саны азайып келеді

Ақтөбе облысында бес және алты жастағы екі бала суға батып кетті

Олар үлкендердің қарауынсыз қалған

фото: diapazon.kz

Ақтөбе қаласына жақын орналасқан Бекқұл баба ауылында кішкентай екі бала өзенге ағып кетті деп жазады «Мой ГОРОД».

Облыстық ТЖД баспасөз қызметінің хабарлауынша, кезекші бөлімге шақырту 12 мамыр күні сағат 12:29-да келіп түскен. 5 және 6 жасар екі бала Жаман Қарғалы өзеніне батып кеткен. Оқиға орнына сүңгуірлер, құтқарушылар және ТЖД-ның психолог мамандары келіп жеткен. Олар оқиға орнына жеткенше сол маңдағы адамдар 5 жасар баланың денесін судан өздері алып шығыпты.

Белгілі болғандай, балалар үлкендердің қарауынсыз қалған. Суға олар киімсіз түсіпті. Түнгі 00:09-да құтқарушылар жағадан 3 шақырым қашықтықта 7 метр тереңдіктен алты жасар баланың денесін алып шықты.

Айта кетейік, жыл басынан бері Ақтөбе облысында 5 адам суға батып қайтыс болды. Олардың үшеуі ересек болса, екеуі кішкентай бала.