ШұғылЕлімізде тағы 7778 адамнан коронавирус анықталды

Шымкентте көше бойындағы арықтан әйел адамның денесі табылды

39 жастағы келіншектің Нұр-Сұлтан қаласының тұрғыны екені анықталды

 

Шымкентте көшедегі арық ішінен әйел адамның денесі табылды, деп хабарлайды Azattyq Rýhy.

Белгісіз әйелдің денесі Асар ықшамауданындағы көпқабатты үйлердің маңынан табылған. Куәгерлер дереу полиция шақыртқан. Айтуларынша, марқұм қаңғыбас әйелге ұқсамайды, үстінде футболка мен пижама болған.

Кейіннен әйелдің 39 жастағы Нұр-Сұлтан тұрғыны екені белгілі болыпты. Марқұмның денесінде зорлық-зомбылық іздері байқалмаған. Алдағы уақытта оның неден көз жұмғаны анықталады.

«2021 жылғы 21 сәуір күні Шымкент қаласы Қаратау ауданындағы көшелерінің біріндегі жол жиегінен 39 жастағы әйелдің мәйіті табылды. Тексеру барысында аталған азаматтың Нұр-Сұлтан қаласының тұрғыны екені анықталды», – деді Шымкент қалалық ПД өкілдері.

Қазіргі уақытта аталған жайт бойынша сотқа дейінгі тергеп-тексеру амалдары басталды.
Оның өлімінің себебін анықтау мақсатында сот-медициналық сараптама жүргізіліп жатыр. Сараптамалар қорытындысы бойынша процестік шешім шығарылатын болады.