Аталған факті бойынша сотқа дейінгі тергеу амалдары жүргізілуде
ШҚО тұрғынының көлігінен еліктің еті табылды, деп хабарлайды Polisia.kz.
Бірнеше күн бұрын Зайсан ауданындағы “Омбы-Майқапшағай” тас жолында “Шевролет Нива” автокөлігі тоқтатылды. Тексеру барысында Боран ауылының 47 жастағы тұрғыны мен Зайсан қаласының 43 жастағы тұрғынының басқаруындағы көліктің жүксалғышынан жалпы салмағы 37 килограмм құрайтын екі еліктің еті және осы азаматтардың біріне тиесілі 16 калибрлі екі ұңғысы бар тегіс ұңғылы мылтық табылды және тәркіленді.
Аталған факті бойынша ҚР ҚК 337-бабы 1-бөлігі бойынша сотқа дейінгі тергеу амалдары жүргізілуде.
