ШұғылКоронавирус пен КВИ пневмониясынан бір тәулікте 32 қазақстандық қайтыс болды

Алматыда «Барахолкадан» өрт шықты

Өрт «Байсат» базарынан шыққан

скриншот: видео

Бүгін Алматы қаласындағы «Байсат» базарынан өрт шықты, деп хабарлайды Алматы қаласы төтенше жағдайлар департаментінің баспасөз қызметі.

Өрт сөндіру қызметі сағат 14:51-де «Байсат» базарына (Жетісу ауданы, Солтүстік айналма жол, 7)  шұғыл жетіп, бірнеше контейнердің жанып жатқанын анықтады.

Өрт сөндіру қызметінің төтенше жағдай болған жерге жетуіне көліктер кедергі жасаған. Сондықтан сағат 14:54-те өрт сөндіру техникасының өрт шыққан жерге өтуін қамтамасыз ететін "109" құтқару қызметінің эвакуаторлары жіберілді. 

ТЖД баспасөз қызметі жергілікті уақыт бойынша сағат 15:53-те өрт сөндірілгенін хабарлады.