«Қазақалтын» компаниясына тиесілі ірі көлемде алтын ұрланды

Компанияға келтірілген шығын көлемі - 122 миллион теңге

көрнекі сурет

Ақмола облысындағы «Қазақалтын» компаниясына тиесілі 122 миллион теңгенің алтыны ұрланды, деп хабарлады облыстық полиция департаменті.

Облыстық ПД баспасөз қызметінің хабарлауынша, 2 наурызға қараған түні «Қазақалтын» тау-кен комбинатында катодтық алтын ұрланған. Ұрлық салдарынан компания ірі көлемде шығынға батты.

Қазір осы оқиғаға қатысты Қылмыстық кодекстің 188-бабы, 4-бөлігі (ұрлық) бойынша сотқа дейінгі тергеу шаралары жүріп жатыр.

Ұрлыққа қатысы бар адамдарды анықтау мақсатында арнайы шұғыл тергеу тобы құрылып, оның құрамына криминалды полиция мен тергеудің тәжірибелі мамандары енді.

Мақалада

#Ақмола облысы #қылмыс #алтын #ұрлық #Қазақалтын

Алдыңғы жаңалық

Банк атынан хабарласатын алаяқтармен қалай сөйлесу керек?