Тағы 6 адам ауруханада жатыр
Батыс Қазақстан облысында жол апатынан 4 адам қаза тауып, алты адам ауруханаға жеткізілді, деп хабарлайды Azattyq Rýhy тілшісі БҚО ТЖ департаменті баспасөз қызметіне сілтеме жасап.
«26 ақпан күні Атамекен ауылынан 10 км жерде екі «Тойота Камри» автокөлігі соқтығысты. Соның салдарынан екі көліктегі 4 жолаушы көз жұмып, алты адам Тайпақ ауылындағы ауруханаға жеткізілді», - деп жазылған хабарламада.
Полиция өкілдерінің айтуынша, бұл жол 26 ақпан күнгі сағат 00.00-ден бастап ауа райының нашарлауына байланысты жабылған. Алайда такси жүргізушісі полиция қызметкерлерінің заңды талабына бағынбаған.
