БҚО-да жантүршігерлік жол апатынан 6 адам көз жұмды

Батыс Қазақстан облысындағы Орал-Атырау тас жолында ірі жол апаты болып, салдарынан 6 адам қайтыс болды деп хабарлайды облыстық Полиция департаментінің баспасөз қызметі.

Оқиға Тайпақ ауылына жақын маңда болған. Toyota мен Лада автокөліктерінің соқтығысуы салдарынан оқиға орнында 6 адам қаза тапқан. Тағы бір адам ауыр халде ауруханаға жеткізілді.

Қазір оқиға орнында полицейлер жұмыс істеп жатыр. Жол апатының өзге де мән-жайы енді анықталатын болады.