ШұғылҚазақстанда коронавирусты қайта жұқтыру бойынша 800-ге жуық жағдай тіркелді

Батыс Қазақстанда азық-түлік дүкеніне қарақшылық шабуыл жасалды

Екі ер адам сатушының аяқ-қолын байлап кеткен

Фото: ашық дереккөзден

Батыс Қазақстан облысы Орал қаласында азық-түлік дүкеніне қарақшылық шабуыл жасалды. Оқиға кеше, 21 ақпанда болған. Полиция қызметкерлері екі ер адамның күдікке ілінгенін хабарлады.

«Таңғы сағат 9:15-те екі адам "Транзит" дүкеніне кіріп, сатушыны байлап тастап, ақшаны алып кеткен. Сыртқы келбеті азиялық екі жігіт күдікке ілінді. Келтірілген шығын көлемі анықталып жатыр. Тергеу амалдары жүргізілуде. Қылмыстық кодекстің 192-бабы "Қарақшылық" бойынша қылмыстық іс қозғалды», - деді басқарма басшысы.

Бұл бап бойынша күдіктілердің қылмысы дәлелденсе үш жылдан 15 жылға дейін бас бостандығынан айыру көзделген.