Қарағанды облысында заңсыз ауланған үш қап балық тәркіленді

Шығын көлемі анықталып жатыр

фото: polisia.kz

2 ақпан күні Балқаш көлі маңында жүрген Нива автокөлігі Қарағанды облысы Полиция департаментінің қызметкерлерінің күдігін тудырып, оны тоқтатқан.

Көлікте 31 жастағы жүргізуші мен 22 жастағы жолаушы болған. Екеуі де - облысқа қарасты ауыл тұрғындары. Тәртіп сақшылары тексеру барысында көліктен жаңа ауланған үш қап балықты тәркіледі.

Қазір келтірілген шығын көлемін анықтауда. Аталған факт бойынша Қылмыстық кодекстің 335-бабына (Балық ресурстарын, басқа да су жануарларын немесе өсiмдiктерін заңсыз алу) сәйкес қылмыстық іс қозғалып, тергеу амалдары жүргізілуде.

Мақалада

#Қарағанды облысы #браконьер #балық аулау

Алдыңғы жаңалық

Өзін-өзі өртеген тараздық полициядан қысым көргенін айтты