Павлодарда гаражда тұрған жаңа көлік Жаңа жыл түнінде жанып кетті

Өрт туралы хабарлама сағат 00:27-де келіп түсті, деп хабарлайды Pavlodarnews.kz.

Облыстық төтенше жағдайлар департаментінің баспасөз қызметі хабарлағандай, өрт облыс орталығының Естай, 134 мекенжайында болды. 

«Жерасты гараж боксы мен оның ішіндегі Audi маркалы автомашина жанып кетті. Өрт 25 шаршы метр ауданға жайылды. Өрт 01:24-те жойылды», - деп хабарлайды ТЖД баспасөз қызметі.

Құтқарушылар гидравликалық құралдың көмегімен 9 және 11-інші гаражды ашты. Оқиға орнына жеке құрамның 28 адамы мен жеті бірлік техника барды.

Зардап шеккендер жоқ. Келтірілген залал мен өрттың шығу себебі анықталуда.