ШұғылҚазақстанда коронавирус жұқтырғандар саны 110 мыңнан асты

Петропавлда көпқабатты үй өртеніп, тұрғындардың бірі қайтыс болды

Оқиға Назарбаев көшесінің бойында болған

ҚР ІІМ ТЖК

Петропавл қаласындағы көпқабатты үйлердің бірі өртеніп, әйел адам қайтыс болды деп хабарлайды ҚР ІІМ Төтенше жағдайлар комитетінің баспасөз қызметі.

«24 қараша күні сағат 23:14-те Назарбаев көшесіндегі көпқабатты үйлердің бірі өртеніп жатқаны туралы хабар келіп түсті. Оқиға орнына келген өрт сөндірушілер екінші қабаттағы пәтерде жиһаздардың өртеніп жатқанын анықтады. Олар шұғыл қимылдап, 23:53-те өртті сөндірді. Құтқарушылар келгенге дейін куәгерлер пәтердің иесін – 1962 жылғы ер адамды далаға шығарған. Оны жедел жәрдем алып кетті. Сондай-ақ, өрт шыққан пәтерден 1974 жылғы әйелдің мәйіті табылды», - деді ТЖК-нің ресми өкілі Нұрсұлтан Нұрахметов.

Оның айтуынша, оқиға болған үйден 25 адам, оның ішінде 8 бала қауіпсіз жерге шығарылған.

«Куәгерлердің айтуынша, үй иесі таныс әйелімен алкогольдік ішімдік ішкен. Қазір өрттің нақты неден шыққанын анықтап жатырмыз», - деді Нұрахметов.