Көліктегі полиция департаменті бастығының бұрынғы орынбасары сотталды
Оның сыбайластарына да қатысты сот үкімі шықты
Сыбайлас жемқорлыққа қарсы іс-қимыл агенттігінің Алматы облысы бойынша департаментінің хабарлауынша, Көліктегі полиция департаменті бастығының бұрынғы бірінші орынбасары 3,6 жылға сотталды.
Бүгін Алматы облысының Алакөл аудандық сотымен Көліктегі полиция департаменті бастығының бірінші орынбасары және «ТЭК-Қазақстан» ЖШС-ның жұмыскерлеріне қатысты іс бойынша үкім шықты. Лауазымды тұлға ЖШС қызметкерінің заңсыз әрекетіне қолдау көрсеткен.
Осылайша, Көліктегі полиция департаменті бастығының бірінші орынбасары полковник Ербол Бекенов лауазымдық өкілеттілігін асыра пайдаланғаны үшін 3,6 жылға бас бостандығынан айырылды.
Аса ірі мөлшерде бөтен мүлікті ұрлауды ұйымдастырған «ТЭК-Қазақстан» ЖШС-ның Қостанай және Достық станцияларындағы отын қоймаларының басшылары - Қасенов Болатхан және Әлжанов Серік 8 жылға, Достық станциясының оператор-жанармай құюшылары Әлімбеков Еркін, Құдабаев Ғалым, Қалибеков Мейіржан, Қаиров Нұртай, Ибрагимов Алмас 7 жылға бас бостандығынан айырылды.
