Қостанайда бес көлік соқтығысып қалды

Бүгін Қостанай және Тобыл қалалары арасындағы тасжолда бірнеше көлік соқтығысты, деп хабарлайды Azattyq Rýhy тілшісі Облыстық полиция департаменті баспасөз қызметіне сілтеме жасап.

«102 пультіне «Қостанай-Тобыл» автожолында 5 автокөліктің қатысуымен болған жол-көлік оқиғасы туралы хабарлама келіп түсті. «Toyota Alphard» автокөлігі қарсы қозғалыс жолағына шығып, «Volkswagen Golf», «LADA Granta», «Volkswagen Sharan» және «LADA Priora»автокөліктерімен соқтығысқан. Жол апаты салдарынан «Volkswagen Sharan» автокөлігінің жолаушысы алған жарақатынан оқиға орнында көз жұмды. Бірнеше адам түрлі дене жарақатымен емханаға жеткізілді», - делінген ведомство хабарламасында.

Қазір жол-көлік оқиғасы бойынша тергеу шаралары басталды.