Шымкентте автобус пен жеңіл көлік соқтығысты

16 қыркүйек күні таңғы сағат сегіздер шамасында Шымкент қаласындағы Астана даңғылы мен Бәйтереков көшесінің қиылысында жеңіл көлік пен қаладағы №40 бағыттағы автобус соқтығысқан. Оқиға орнына 5 жедел жәрдем бригадасы жетіп, шұғыл түрде медициналық көмек көрсеткен.

«Жол көлік оқиғасы салдарынан 13 адам зардап шеккен. Олардың үшеуі – балалар, тоғызы – ересектер. Зардап шеккендердің барлығы шұғыл түрде ауруханаға жеткізілді. Өкінішке қарай, жол апатынан ауыр жарақат алған бір адам оқиға орнында қайтыс болды», - деп хабарлайды Шымкент қалалық денсаулық сақтау басқармасы.