Петропавлда жүк көлігі мен қоғамдық автобус соқтығысып қалды

Зардап шеккендер жоқ

Фото: баспасөз қызметінен

Петропавлда жүк көлігі бағыттық автобусқа соғылды, деп хабарлайды Azattyq Rýhy тілшісі Солтүстік Қазақстан облысы Полиция департаментіне сілтеме жасап.

«МАЗ-6501 «Самосвал» маркалы автокөліктің 33 жастағы жүргізушісі Парфирьев көшесінен негізгі – Жамбыл көшесіне бұрылмақ болады. Алайда абайсызда №4 бағыттағы «Mersedes-Benz» автобусымен соқтығысқан. Жол-көлік апаты кезінде қоғамдық көлікте жолаушылар болмаған», - деп жазылаэған ақпаратта.

Зардап шеккендер жоқ. Осы оқиғаға байланысты әкімшілік іс жиналып, материал процессуалды шешім шығару үшін Петропавл қалалық мамандандырылған әкімшілік сотына жолданбақ.

Мақалада

#Петропавл #жол апаты #қоғамдық көлік

Алдыңғы жаңалық

Алматыда 34 жастағы әйелді бір жастағы баласының көзінше өлтіріп кеткен