Заңсыз ойын бизнесін ұйымдастырған шымкенттік 1 жылға сотталды

Шымкент қаласы Әл-Фараби аудандық сотының үкімімен заңсыз ойын бизнесін ұйымдастырған азаматқа 1 жылға бас бостандығын шектеу және 100 сағат мәжбүрлі еңбекке тарту жазасы тағайындалды. Бұл туралы Қаржы мониторинг комитетінің баспасөз қызметі хабарлайды. 

Атап айтқанда, ол 2020 жылдың мамыр айында Шымкент қаласы, Д.Қонаев даңғылында орналасқан пәтерді жалға алып, оның бір бөлмесінде заңсыз «Покер» ойынын ұйымдастырған.

Айғақ зат ретінде алынған 100 000 теңге ақша қаражаты мемлекет пайдасына тәркіленіп, покер ойынына арналған дилер тасы және 200 дана казино фишкалары жойылды.