Биыл Жамбыл облысында жол-көлік оқиғасынан 134 адам қайтыс болған

Облыстық Полиция департаменті жүргізушілерді жолда абай болуға шақырды

Фото: ашық дереккөзден

Осы жылдың 10 айының қорытындысы бойынша Жамбыл облысында 778 жол-көлік оқиғасы тіркелген. Соның салдарынан 134 адам қайтыс болып, 1157 адам жарақат алған, деп хабарлайды Azattyq Rýhy облыстық ПД баспасөз қызметіне сілтеме жасап.

«Климаттық өзгерістерге байланысты қыста жолдың жағдайы айтарлықтай нашарлайтыны байқалады. Жол қозғалысына қатысушыларға елдімекендерден тыс жерлерге шығуға шектеуге кеңес береміз. Ауа райы мен жолдардың жабылуына қатысты арнайы хабарламаларды негізге алып отыру қажет», - делінген ведомство хабарламасында.

Жамбыл облысының Полиция департаменті жүргізушілерді жолда мұқият болуға шақырды.

Мақалада

#Жамбыл облысы #адам өлімі #жол көлік оқиғасы

Алдыңғы жаңалық

Талдықорғанда адасып кеткен 83 жастағы әжей табылды