Алматы – Бішкек тасжолындағы көлік апатынан бір адам мерт болды

Azattyq Rýhy
16.11.2019, 17:06

Көлік апаты бүгін таңертең Алматы – Бішкек тасжолының 94-шақырымында болған

Алматы – Бішкек тас жолында үш көліктің соқтығысуынан бір адам мерт болып, 8 адам түрлі дене жарақатымен ауруханаға жеткізілді, деп хабарлайды Azattyq Rýhy ҚазАқпаратқа сілтеме жасап.

Көлік апаты бүгін таңертең Алматы-Бішкек тасжолының 94-шақырымында болған. Аталған факті бойынша соталды тергеу басталды.

«Тойота Естима», «Ниссан максима» және «Хюндай Старекс» көліктері соқтығысқан. Апатқа не себеп болғаны тергеу барысында анықталады. Тергеу ҚР ҚК 345-бабының 3-тармағына сәйкес жүріп жатыр. Қажетті сараптамалар тағайындалды»,– деп мәлімдеді Алматы облыстық полиция департаментінің баспасөз қызметінен.

Қазір оқиға орнында полицейлер жұмыс істеп жатыр. Ал көлік апатынан зардап шеккендер – Жамбыл, Түркістан және Алматы облысының тұрғындары. Олардың жас ерекшеліктері 21-34 жас аралығында. Олардың барлығы Ұзынағаш ауылындағы ауруханаға жеткізілген. Ал көлік апатынан мерт болған әйел адамның кім екені әзірге анықталмады.

Алматы облысының полицейлері көлік жүргізушілерге жолда абай болуды қатаң ескертеді.

«Көлік дөңгелектерін қыстық автошинаға ауыстыру керек. Кей жерде қар жоқ деп тәуекелге бел буып, жолға шығып кетуге болмайды. Ауа райы күрт өзгеруі мүмкін. Сондықтан адам өміріне бей-жай қарамауды ескертеміз», – деп толықтырды облыстың полицейлері.

Біздің ең маңызды және қызықты жаңалықтарды біздің Telegram-каналдан оқыңыз
‡àãðóçêà...
Өзге де қызықты мақалалар
«Қисайған үйде қауіп жоқ» - Алматы әкімдігі
Самарқанд су қоймасында адасып кеткен екі балықшы табылды
Алматыда 16 жастағы қыз із-түзсіз жоғалып кетті

Сұхбат
«Абайдың 45 сұрағы» жобасының кезекті қонағы - филолог, абайтанушы Омар Жәлел
Ирактан Қазақстанға қайтарылған 14 баланы ортаға бейімдеу жұмыстарымен айналысып жатқан психолог мамандармен сұхбат
Бүгін сайтымызда саясаттанушы Айдос Сарыммен болған сұхбат жарияланды
Уролог-андролог маман Максет Рысбаев дені сау сперматозоидтар шығара алмайтын жігіттердің көбеюінің бір себебі - туғаннан жаялығы шешілмейтін балалар санының артуымен деп есептейді