ШұғылҚазақстанда өткен тәулікте 1180 адам коронавирус жұқтырды

Таразда суицид жасаған жігіттің өліміне екі полицей кінәлі деп танылды

Тәртіп сақшылары қызметін асыра пайдаланған

Фото: ашық дереккөзден

Тараз наркодиспансерінде өзіне өзі қол салған жігіттің өліміне екі полиция қызметкері кінәлі деп танылды. Оларға 2,5 жылға бас бостандығын шектеу жазасы берілді, деп хабарлайды Azattyq Rýhy тілшісі «Астана» телеарнасына сілтеме жасап.

Сотта айтылған ақпаратқа қарағанда, тәртіп сақшылары, қызметін асыра пайдаланған. Алайда бұрынғы полицейлер міндетімізді адал атқарғанымыз үшін істі болдық дейді.

«Сол суицид дерегі бойынша барлық кінәні бізге жауып жатыр. Ол азаматты өздері алып қалса, не болмаса дәрігер жатқызамын десе де,  мен өз қызметімді асыра пайдаланып оны алып кетуім керек пе еді?», - дейді сотталушы Ринат Сарбаев.

Осыдан кейін екі тәртіп сақшысы істі болыпты.  Ал Облыстық прокуратура бұл істің нүктесі аппеляциялық сотта қойылатынын айтып отыр.