ШұғылЕлімізде тағы 813 адамнан коронавирус анықталды

Алматы облысында зейнеткерді тонаған қаскүнем ұсталды

Жәбірленушінің ұялы телефоны  мен 17 мың теңге ақшасы қолды болған

Фото: vedtver.ru

Талдықорған қаласында адам тонау фактісі ашылды, деп хабарлайды Polisia.kz.

Талдықорған қаласының көшелерінің бірінде зейнеткер әйелге шабуыл жасалып, белгісіз біреу ашық түрде оның қол сөмкесін тартып әкеткен.

«Жәбірленушінің сөмкесінде ұялы телефоны, банк карточкалары мен 17 мың теңге сомасындағы ақшасы болған», - делінген ақпаратта.

Өткізілген жедел-іздестіру іс-шараларының нәтижесінде осы қылмысқа қатысы бар деген күдікпен Кербұлақ ауданының тұрғыны ұсталды, жәбірленуші оны бірден таныды және одан айғақ заттар алынды.

Қазіргі таңда Қазақстан Республикасы Қылмыстық кодексінің 191-бабы (Тонау) бойынша тергеу амалдары жүргізілуде.