ШҚО-да есірткі сатумен айналысқан фитнес жаттықтырушы ұсталды

Өскеменде полицейлер есірткі сатумен айналысқан фитнес жаттықтырушыны қолға түсірді, деп хабарлайды Azattyq Rýhy тілшісі ШҚО Полиция департаментіне сілтеме жасап.

«Есірткі қылмыстарымен күрес басқармасының қызметкерлері облыс орталығындағы  «Қарасора» жедел және алдын алу шаралары барысында Өскеменде біраз уақыттан бері марихуана сатумен айналысқан фитнес орталықтың біріндегі жаттықтырушыны ұстады», - делінген хабарламада.

Күдікті қамауға алынды. ҚР Қылмыстық кодексінің 297-бабы бойынша сотқа дейінгі тергеу жұмыстары басталды. Күдікті 10 жылға бас бостандығынан айырылуы мүмкін.