Алматы облысында 7 тоннаға жуық спирт сақталған жасырын цех анықталды

Қаржы мониторингі комитетінің Алматы облысы бойынша Экономикалық тергеу департаментінің қызметкерлері іздестіру шаралары барысында облыс аумағында ірі мөлшерде этил спиртін өткізу мақсатында рұқсат құжаттарсыз сақтау фактісін анықтады.

Осылайша, тексеріс барысында спиртті сақтау және сату цехы табылды. Спирттің ерекше иісі бар түссіз сұйықтықпен толтырылған көлемі 1000 литр 6 ыдыс, сондай-ақ, көлемі 5 литр 141 бөтелке, 5 қап қақпақ, құюға арналған құрылғылар тәркіленген.

Аталған факт бойынша тергеу ісі қозғалды.