Қарағанды облысындағы шахтада кенші қаза тапты

Қарағанды облысындағы «Саран» шахтасында шахтер қаза тапты, деп хабарлайды Tengrinews.kz.

«Арселормиттал Теміртау» АҚ қызметкерінің өлімін жазатайым оқиға деп атады. Компанияның баспасөз қызметі болған оқиға туралы тиісті мемлекеттік органдар мен кәсіподақ ұйымы дереу хабардар етілгенін айтты.

Оқиғаның мән-жайы әзірге белгісіз.

«Қайтыс болған азаматтың жақындарына шахта әкімшілігі мен кәсіподақ өкілдері болған жайтты хабарлады. Кәсіпорын жұмысы тоқтатылды», - деді компанияның баспасөз қызметі.

Сондай-ақ, аталған оқиғаны тергеу үшін мемлекеттік комиссия құрылғаны белгілі болды.

«Компания біздің әріптесіміздің туыстары мен жақындарына қайғырып көңіл айтады», - делінген баспасөз қызметінің ақпаратында.