ШҚО ауылдарының бірінде жел үйлердің шатырын жұлып кетті

ШҚО-да қатты жел Зайсан ауданының Қаратал ауылында үйлердің шатырын жұлып әкетті, деп хабарлайды Azattyq Rýhy тілшісі облыстық ТЖ департаментінің баспасөз қызметіне сілтеме жасай отырып.

Бұған дейін «Қазгидромет» Шығыс Қазақстан филиалы 4 қыркүйекте аймақта қатты екпінді жел, найзағай, бұршақ, дауыл болатынын ескерткен.

«Апат Зайсан ауданында болды, әсіресе, Қаратал ауылы зардап шекті. Мұнда бірнеше минут ішінде жел соғып, оның екпіні секундына 27 метрге жетті. Ауыл көшелерінің бірінде 25-30 жеке тұрғын үйдің шатыры бүлінген», - деді ТЖД-де.

Жергілікті тұрғындар арасында құрбан болғандар мен зардап шеккендер жоқ. Оқиға орнында ауа-райынан келтірілген залалды бағалау жөніндегі комиссия жұмыс істейді.