Түркістан облысында 30-ға жуық адамды алдаған әйел сотталды

Естеріңізде болса, сәуір айының соңында Түркістан облысы полицейлері жұмысқа орналастырамын деп 30-ға жуық тұрғынды алдаған алаяқ әйелді ұстаған болатын. Егде жастағы азаматша ешқайда тіркелмеген мүгедек балаларды оңалту орталығына жұмысқа қабылдаймын деп алдап, әр адамнан 300 мың-700 мың теңге аралығында ақша алып кеткен. Осы жайтқа байланысты ҚР Қылмыстық кодексінің 190-бабы (алаяқтық) бойынша іс тіркеліп, сотқа дейінгі тергеп-тексеру амалдары жүргізілді.

Мақтаарал аудандық сотының үкімімен күдікті әйелге қатысты 3 жыл 6 ай бас бостандығын шектеу жазасы тағайындалды.