Атырауда полиция подполковнигі 3,5 жылға бас бостандығынан айырылды

№2 қалалық соты жетінші тамыз күні Атырау облысы полиция департаментінің балық қорына қылмыстық қол сұғушылықпен күрес бөлімінің бастығы Б. Досановқа үкім шығарды, деп хабарлайды Azattyq Rýhy тілшісі «Ақ Жайық»-қа сілтеме жасап.

Еске салайық, оның ісі 17 шілдеде сотқа жіберілді. Ал ол маусым айының соңында жеке тұқымды балықты аулаумен және сатумен айналысатын ЖШС директорынан 1,5 млн. теңге көлемінде пара алды деген күдікпен ұсталды. 

Бұған дейін сотқа дейінгі тергеп-тексеру ҚР ҚІЖК 190-бабына («сотқа дейінгі жеделдетілген тергеп-тексеру») сәйкес, жеделдетілген тәртіппен аяқталған еді.

Сот Б. Досановты үш жарым жылға бас бостандығынан айырды.