«ҚазАвтоЖолдың» шұрық-тесік жолдары үшін 22 адам жұмыстан қуылған

Биыл «ҚазАвтоЖолдың» жолдарын тексеру кезінде 1 670 ақау табылған. Осы жолдар салынғанда олардың сапасын дұрыс бақыламаған 22 адам жұмысынан айырылған, деп хабарлайды Azattyq Rýhy.

Бұдан басқа, «ҚазАвтоЖол» компаниясы техникалық қадағалау мамандарына 53,4 млн теңге айыппұл салған.

«Жыл басынан бері «ҚазАвтоЖол» компаниясының мамандары жол құрылысы мен жөндеу жұмыстарының сапасына 50-ге жуық тексеру жүргізген», - деп хабарлайды ҚазАвтоЖол.

Тексеру нәтижесінде 1 670 ақау мен талапқа сай емес жол учаскесі табылған. Бүгінде оның 831-і, яғни 49,8% жөнделген көрінеді.