Астанаға ұшып келген он адамнан 223 дана iPhone 18 тәркіленген

Астанадағы кеден бекетінің қызметкерлері 10 адамнан 223 дана соңғы үлгідегі iPhone 18 смартфон тәркілеп алған, деп хабарлайды Azattyq Rýhy.

Бұдан басқа азаматтар 10 дана AirPods құлаққабын алып өтпек болған. Кеден бекеті бұл тауарлардың бәрі декларациядан өтпегендіктен, заңсыз тауар деп тәркілеп алған.

«Әуежай – Астана» кеден бекетінің қызметкерлері мобильді құрылғыларды заңсыз әкелуге қатысты 10 фактінің жолын кесті. Барлығы 223 дана iPhone 18 смартфоны мен 10 жұп AirPods құлаққабы табылды», - деп хабарлайды Мемлекеттік кірістер комитетінің баспасөз қызметі.

Жалпы, заң бойынша жеке пайдалану мақсатында бір адам 2 телефон әкеле алады. Бұдан көп тауар алса, онда тауарды кедендік декларациядан өткізу керек.