Астанада тағы да кран құлап, бір адам қаза тапты – екі адам ауыр хәлде жатыр

Бірнеше күн бұрын ғана қалада тағы бір адамның үстіне кран құлап, мерт болған еді

Фото: t.me/qumash_kz

Бүгін, 31 тамыз күні Астанадағы құрылыс алаңында кран құлап, бір адам қаза тапты. Azattyq Rýhy редакциясына бұл фактіні қалалық полиция департаменті растады.

«Құрылыс алаңындағы осы оқиғаға қатысты қылмыстық іс қозғалды. Оқиға орнында бір адам қаза тауып, екі адам жараланды. Жарақат алған адамдар ауруханада жатыр. Полиция департаменті бұл оқиғаға қатысты тергеуді бастап кетті, болған оқиғаның мән-жайы жан-жақты тергеледі», - деп хабарлайды Астана қаласының полиция департаменті.

Естеріңізге сала кетейік, 27 тамыз күні Астанада тағы бір кран құлап, оның үстінде отырған краншы қаза тапқан еді.

Мақалада

#Астана #адам өлімі #автокран #құрылыс краны #кран #мұнара краны

Алдыңғы жаңалық

Әткеншекке таласып, бір-бірін ұрып жыққан: Астанада екі әйелді полиция ұстады (ВИДЕО)