Ақтөбеде жол апатынан кейін 10 жастағы қыз комаға түсті

Ақтөбеде 2 тамызда көлік қағып кеткен 10 жастағы қыз қазір комада жатыр. Ембі көшесінде болған жол апатынан кейін бала ауруханаға жеткізілген. Оның жағдайы әлі де өте ауыр, деп хабарлайды Azattyq Rýhy «Диапазон» газетіне сілтеме жасап. 

Белгілі болғандай, Chevrolet Cobalt жүргізушісі жаяу жүргіншілер өткелінен тыс жерде жолдан өтіп бара жатқан қызды қағып кеткен.

Жол апатының алдында бала үйінің маңындағы дүкенге шыққан.

«Ауруханада қыздың қабырғалары мен жамбас сүйектері сынғаны, сондай-ақ ашық бас-ми жарақатын алғаны анықталды. Мамандар оның жағдайын тұрақтандыру үшін барлық қажетті шараны қабылдап жатыр», – деп хабарлады облыстық денсаулық сақтау басқармасынан.