Дәрі-дәрмектерді заңсыз сатқан 600-ден астам факті тіркелді

Полиция қызметкерлері 21 күн ішінде дәрі-дәрмектерді жоғары бағамен заңсыз сатудың 604 фактісін анықтады. Ішкі істер органдарына 487 адам жеткізілді, оның ішінде 284 адам медицина саласының қызметкері, деп хабарлайды Azattyq Rýhy тілшісі polisia.kz-ке сілтеме жасап.

«Көптеген азаматтар өз туыстарының өмірі мен денсаулығы үшін күресіп, дәріханалардан қажетті дәрі-дәрмектерді іздеп жүрген кезде, кейбіреулері инфекцияның өршуін және халықтың басына түскен қиын жағдайды өз мақсатына пайдаланып, одан табыс тауып жүр. Криминалдық полицияның мәліметтеріне қарағанда, осы пайдақұмар пысықайлардың жартысына жуығы – фармакология саласының қызметкерлері екен», - жеп жазылған хабарламада.

Дәрі-дәрмектерді қымбат бағаға сатушылар Инстаграмда, телеграмда және басқа да әлеуметтік желілерде хабарландырулар береді, ватсап-чаттар бойынша тарады, жеке сайттарда хабарландырулар береді, лицензиясыз жасырын дәріханалар ашады, сондай-ақ қолданыстағы дәріханалық пунктерде бағаны заңсыз көтереді.