Петропавлда қымбат көлік иесі дәл соңғы қоңырау күні 12 жастағы оқушыны қағып кетіп, мерт қылды

Петропавлда 12 жастағы қызды көлік қағып, оқушы жолда мерт болды, деп хабарлайды Azattyq Rýhy.

Полиция мәлім еткендей, қайғылы оқиға 25 мамыр күні шамамен сағат 20:16-да Потанин көшесінде болған.

«24 жастағы Porsche Cayenne автокөлігінің жүргізушісі кәмелетке толмаған жаяу жүргіншіні қағып кеткен. Алған ауыр жарақаттар салдарынан 12 жастағы қыз оқиға орнында көз жұмды. Жол-көлік оқиғасы бойынша тергеу жүргізіліп жатыр», - делінген ПД жауабында.

Күдікті уақытша ұстау изоляторына қамалды, тергеу жүріп жатыр. Полицейлер оқиғаның барлық мән-жайын анықтап жатыр.