Атырау полицейлері «Газель» автокөлігімен жанар-жағармай тасыған 2 азаматты ұстады

Полиция қызметкерлері Мақат ауданы аумағынан шыға берісте екі «Газель» автокөліктерін тоқтатып, тексеріс барысында, көліктің жанар-жағармай тиеп алғанын және сол сұйықтықты соруға және айдауға арналған құрылғыларды анықтады.

«Тексеріс барысында, 1984 және 1992 жылғы қос жүргізушінің жалпы салмағы 6,6 тонна сұйықтыққа қатысты ешқандай құжаттары болмай шықты. Тәркіленген жанар-жағармайға сараптама тағайындалды», - деді Атырау облысы Полиция департаментінің бастығы Қамза Үмбетқалиев.

Аталған дерек бойынша ҚР ҚК-тің 197-бабы «Мұнайдың және мұнай өнiмдерiнің шығарылу заңдылығын растайтын құжаттарсыз оларды тасымалдау, иемдену, өткiзу, сақтау» бойынша сотқа дейінгі тергеп-тексеру жүргізілуде.