Электрсамокат мінген Астана полицейлері бір самокатқа мінгескен екі адамды оңбай жазалайтын болды

Астана қаласы полиция департаментінің бірқатар қызметкерлері көлігін электрсамокатқа ауыстырған, деп хабарлайды Azattyq Rýhy.

Polisia.kz мәліметіне сүйенсек, олар көбіне осы электрсамокат мініп, тәртіп бұзатындарды ұстайтын көрінеді.

«Жаңа формат аясында патрульдік полиция полкінің инспекторлары саябақтар, тұрғын алқаптар мен адам көп шоғырланатын орындарда электрсамокатты заңсыз мініп жүрген немесе оның жылдамдығын асырған адамдарды ұстайды», - деп хабарлайды дереккөз.

Жолда электрсамокаттың жылдамдығын асырған және басына шлем кимеген адамдар айыппұл арқалайды. Сондай-ақ полиция бір самокатқа мінгескен екі адамды да жазадайды.