Павлодар мәслихатының төрағасы ресми шара кезінде әйел депутаттың бетінен шөлт еткізді (ВИДЕО)

Павлодар қалалық мәслихатының төрағасы Қобланбек Қожин кәсіби этикаға жат қылық жасап, көзге түсті, деп хабарлайды Azattyq Rýhy.

Ол депутат Гүлжайна Даримованы Қазақстан Президентінің алғыс хатымен марапаттау кезінде оғаш түрде сүйіп алған.

Депутат бұл сәттің видеосын өзінің желідегі парақшасына жүктеді.

«Кейде өмір күтпеген сыйлықтар береді. Бүгін Қазақстан Республикасының Президентінен алғыс хат алу бақыты бұйырды. Бұл жай ғана құжат емес — дұрыс жолда келе жатқанымның белгісі. Әр жетістіктің артында еңбек, жауапкершілік және сенім бар. Алға қарай тоқтамай жалғастырамыз», - деп жазды ол.

Желі қолданушылары депутатты марапатымен құттықтап, жылы лебіздерін білдіріп жатыр.