Атырауда көлік жөндеу орталығы өртеніп, 8 автокөлік жанып кетті

Атырауда автокөлік жөндеу орталығында өрт шығып, сегіз бірдей көлік жанып кетті деп хабарлайды «Мой ГОРОД» порталы.

Атырау облыстық Төтенше жағдайлар департаментінің мәліметінше, 17 шілде күні кешкі сағат 19:21-де Тайманов көшесінде аумағы 250 шаршы метр болатын көлік жөндеу орталығында өрт шығып, ғимарат ішіндегі автокөліктермен бірге жанып кеткен.

«Ғимарат ішінде болған 8 автокөлік түгі қалмай өртеніп кеткен. Өрт сөндірушілер 20:00-де жалынды ауыздықтап, 20:41-де толық сөндірді. Қайтыс болғандар мен зардап шеккендер жоқ. Өрттің себебі анықталып жатыр», - делінген ТЖД таратқан ақпаратта.