Атырау облысында қайықпен аударылған ер адам іздестіріліп жатыр

Атырау облысында қайық аударылып, 41 жастағы ер адам суға батып кетті. Бұл туралы Атырау облысы ТЖД ішкі және сыртқы коммуникациялар тобы хабарлады. Оқиға 15 шілде күні сағат 21:56-да Құрманғазы ауданында болған.

«Бірлік ауылдық округіндегі Ягодкин учаскесі тұсындағы Қиғаш өзенін кесіп өтпек болған 1979 жылы туған азамат қайықпен аударылған. Бүгін сағат 06:30-да суға батқан адамды іздеу басталды. Іздестіру жұмысына жедел құтқару жасағының 4 қызметкері, 1 техника мен 1 жүзу құралы тартылды», - делінген ақпаратта.