Теміртауда 10 жасар қыз бен оны құтқармақ болған екі адам суға батып кетті

Қайғылы оқиға 15 шілде күні күндізгі үштер шамасында болған деп хабарланды Instagram әлеуметтік желісіндегі patriotkaragandy парақшасында.

«10 және 8 жасар екі қыз шомылуға рұқсат етілмеген жерде суға түсіп, тұншыққан. Мұны көрген туыстары – 2002 жылғы бойжеткен мен 1996 жылғы жігіт дереу суға түсіп, қыздарды құтқармақ болыпты. Олар 8 жасар қызды жағаға алып шыққанымен, екінші қызды құтқарамыз деп өздері де батып кетті», - деді Қарағанды облысы бойынша ТЖД баспасөз хатшысы Жанна Дәуренбекова.

Қайтыс болған үш адамның да денесін куәгерлер мен құтқарушылар жағаға алып шықты.