Қарағандыда жүкті әйел коронавирустан қайтыс болды

Қарағандыда коронавирустан қайтыс болғандар қатарында 33 жастағы жүкті әйел бар. Ол жансақтау бөлімінде 10 күн жатып бақилық болған.

Облыстық денсаулық сақтау басқармасының мәліметінше, марқұм жүктіліктің 22-ші аптасында КВИ жұқтырғанын білген. Оны дереу емдом қабылдауға ауруханаға жібергенімен, дерті асқына беріпті. Дәрігерлер әйелдің дәрі-дәрмектен тапшылық көрмегенін айтады. Алайда, өмірін сақтап қалу мүмкін болмады. Оның құрсағындағы сәбиі де дүниеге келместен шетінеп кетті.

Айта кетейік, Қазақстанда коронавирус жұқтырғандар саны 61 мың адамнан асты. Соңғы тәулікте 1856 адамнан вирус анықталған.