Жер дүмпуі жиі сезілетін Жетісу өңірінде неге ескерту жүйесі жоқ – министрлік жауабы

Сейсмикалық аймақта орналасқан Жетісу облысына әлі күнге дейін жер сілкінісі туралы хабарлайтын Mass Alert жүйесі енгізілмеген. Оның қашан іске асатыны туралы Төтенше жағдайлар министрлігінің өкілі айтты, деп хабарлайды Azattyq Rýhy.

«Осы мәселе бойынша жұмыс 2024 жылдан бері қарастырылып келеді. Қазіргі уақытта 11 өңірде Mass Alert жүйесі енгізілген. Қалған өңірлерде жергілікті атқарушы органдармен бірлесіп жұмыс жүргізілуде. Жетісу облысын алсақ, жүйені енгізу мәселесі жергілікті атқарушы органмен пысықталып жатыр. 2026 жылы нақты шешім қабылданады», - деді Төтенше жағдайлар комитетінің төрағасының орынбасары Роллан Есмағамбетов.

Оның сөзінше, мәселе өңірдің қаржылық жағдайына келіп тіреліп тұр.